 |
| jwala |
दुर्घटना भएर
चालकको मृत्यू भयो
कण्डक्टरको मृत्यू भयो
खलासीको मृत्यू भयो
र उनीहरुसंगै
थुप्रै सपनाहरुको
निर्मम मृत्यू भयो
बेरोजगारहुंदा
आर्थिक बोझले थिचिएर
काम पाएपिछ
मालिकको
शोषणमा पेलिएर
उनीहरु मरेका थिए
दुर्घटना
व्याक सारेर किच्याएको
अपराधमा रुपान्तरण भयो
समाज बैरी भए
कानुन टाठाहरुको भयो
र कारागारको
चिसो छिडिमा
वर्षहरु काट्दा
उनीहरु मरेका थिए
श्रीमतीको
फाटेको फरिया
फेरीदिन नसक्दा
विद्यालय शुल्क तिर्न नसकेपिछ
परिक्षा लेख्न गएका
छोराछोरी
रुदै घर फर्किदा
उनीहरु मरेका थिए
बहालको पैसा
माग्न आएका घरधनिले
खापिएका महिनाहरुको
हिसाव देखाउदै
सामानहरु कब्जा गरेर
कोठा छाड्न
उर्दी गर्दा
उनीहरु मरेका थिए
धेरै पठक
मरेका थिए उनीहरु
अब
फेरी कहिल्यै
मर्न नपर्ने भएर मरे
११ जेठ २०६८
