गित

भीमज्वाला राई
तिम्रो हात छुटेपनि तिम्रो साथ टुटेपनि
जिवनभरीसंगै हिड्ने बाचाबन्धन चुकेपनि
सपनाहरु बुनिरहें पाईलाहरु चालिरहें
झुकेन यो आत्मविश्वास सगरमाथा झुकेपनि

चाहिएन साथ मलाई चाहिएन हात मलाई
आफैलाई भुल्छु बरु प्यारो लाग्छ घात मलाई
घाम हेरे जुन हेरे, हेरे साउने भेलहरु
झेल्नु जती झेलीसके जिन्दगीमा झेलहरु

कुरा काटोस, ईस्र्या गरोस छैन कुनै डर
अरु त अरु भए आफन्तकै हुन्न भर
जल्नेहरु जलीरहुन्  मलाई के पो हुन्छ
चढ्ने साहस गर्नेले नै सगरमाथा छुन्छ