भीमज्वाला राई
काठमाण्डौं । आफन्तपनि छैनन्, घर जग्गा पनि छैन, आफ्नो भन्नु नै केही रहेन अब कहां जाऊ ?
मंगलबार जयराम पराजुलीले मलिन स्वरमा माथीका कुरा भनिरहदां उनका वरीपरी अन्य किरियापुत्रिहरुपनि भावुक थिए त्यहा रहेका सवैको कथा मिल्दाजुल्दा थिए ।
पहिरोमापरि परिवारै गुमाएपछि पशुपतिनाथ स्थित किरियापुत्री घरको १८ नम्बर कटेजमा किरीयापुत्रीमा बसेका सिन्धुपाल्चोक माङखा १ का जयराम पराजुलीलाई परिवार गुमाउनुको पीडा त छदैथियो । अब कहां जाने कहां बस्ने कुनै बाटो नभेटीएपछि थप पीडामा परेका छन् ।
११ दिन अघि सिन्धुपाल्चोक जुरेमा गएको पहिरोमा पराजुलीले बुवा देउऋषि पराजुली, आमा छांयादेवी परिाजुली, श्रीमती लक्ष्मी पराजुली र छोराहरु निर्जा र निकेस पराजुली एकसाथ गुमाएका थिए । अहिले उनी सवैको एकसाथ मृत्यू सस्कारमा छन् यही साउन २९ गते १३ दिने अन्तिम सस्कारको तयारीमा छन् तर यतीवेला उनीमाथी आफन्त गुमाउनुको पीडासंगसंगै अब कहां जाने, कहां बस्ने भन्ने चिन्तापनि थपिएकोछ । पहिरोले उनको परिवारसंगै उनको घर तथा भएका ४० रोपनी जमिनको पनि कुनै नाम निशान छैन ।
अरनिको रुटमा ट्रक कन्टेनर चालक रहेका पराजुली दुर्घटना अघिनै ना ३ ख ७३११ नम्बरको कन्टेनर लिएर चितवन गएका कारण उनको घरका उनीमात्र जिवित रहे बाकीं घरमा भएका सवैको ज्यान गयो न त उनले कसैको शव नै भेटे । उनी अहिले गुमेका आफन्तहरुको नाममा कुशको शव बनाएर अन्तिम सस्कार गरिरहेका छन् ।
पराजुलीले चितवनमै खवर पाएपछि उनी अचेत बने उनकै कन्टेनरका सहकर्मीले उनलाई काठमाण्डौ ल्याए तर उनी दुईदिनसम्म अर्धचेत झै बने आफन्त सवै गुमाउनुको पीडा र अब कहां बस्ने भन्ने पीडा त छदैछ घटनाको राती आठ बजे ८ वर्षीय छोरा निर्जा ले फोन गरेर बाबा घर छिटै आउनु आउदा मलाई र भाईलाई जुस ल्याईदिनु है भनेको कुरा स्मरण गर्दा उनी एकोहोरो हुन्छन् । प्राय राती सुत्ने वेलामा छोरा र श्रीमतीसंग मोवाईलमा गफ हुने गरेको भएपनि त्यस दिन छोरासंगमात्र कुरा गर्न पाएको उनले सुनाए ।
परिवारै गुमाउदाको अवस्था सम्झीदा अति पीडा हुन्छ तर म मात्रै होईन मेरो वडाका कोहीपनि बांचेनन् त्यस्तै सयौ घर परिवारकोपनि हालत त्यस्तै भएकाले मन बुझाउछु उनले भने ।
कहां जांदैछ राहत
पहिरोमा परि ज्यान गुमाएका, अंगभंग भएका वेपत्ता भएका परिवारलाई सरकारी तथा गैर सरकारी निकायबाट राहत वितरण गरिरहेको समाचार विभिन्न सञ्चार माध्यमहरुमा आईरहेको भएतापनि आफुहरुलाई राहत दिने त कुरै छाडौं सोध्न सम्म नआएको जयराम पराजुलीले बताए ।
पशुपतिनाथको यो किरीयापुत्री घरमा दश जना सिनामंगलस्थित किरीयापुत्री घरमा ६ जना मृत्यु भएका आफ्रनतको अन्तिम सस्कार गरिरहेका छन् । कसैको परिवारै पहिरोले लगेकोछ कसैका आफन्त गुमेका छन् तर दुवै स्थानमा रहेर सस्कार कार्यमा रहेकाहरुलाई कसैलेपनि राहतको विषयमा भेट्न सोध्न नआएको बताए ।
राहत वितरण भईरहेको चामल लगायतका आवश्यक सामग्रीहरु वितरण भईरहेको हामीले पनि सञ्चार माध्यममा हेरिरहेकाछौं सुनिरहेकाछौं तर हामीलाई अहिलेसम्म कसैले सोध्नसम्म आएकाछैनन् बिचारी पराजुलीले भने । पहिरोमा बुबा मेघनाथ पराजुली, आमा, भान्जीहरु र बहिनी गुमाएका पराजुलीले आक्रोस पोखे । राहत बाडिरहेको सुनेकाछौं बास्तविक पीडि बाहेक अरुले फाईदा नउठाउन भन्ने हाम्रो विचार हो माङखाकै रुबिन पौडेलले भने ।
हामी तनावै तनावमा रहेको तर कतैबाटपनि सहयोग नपाईएको सिनामंगलमा रहेका पञ्च श्रेष्ठले बताए । पीडित त भएकैछौं राजनीतिक दलका नेताहरुबाट समेत आश्वासन बाहेक केही सहयोग नपाईएको उनले बताए । यत्रो विपदमा परेको समय अहिलेसम्म कसैले पनि सहयोग नगरेको उनले बताए ।
जसको शक्ति उसको भक्ति
सिन्धुपाल्चोक पहिरोमा परेका पीडितहरुलाई राहतको नाममा आर्थिक तथा भौतिक सामग्रीहरु संकलन भईरहेको भएतापनि वितरणका लागि नीति नबन्दा बास्तविक पीतिहरु राहतबाट बन्चीत हुनु परेका गुनासाहरु आईरहेकाछन् ।
पीडितहरुको लगत संकलन नगरी स्थानिय राजनीतिक दलहरुको सिफरिसमा वितरण थालिएको राहत जस्को शक्ति उसको भक्ति भनेझै जसले दादगीरी गरेर शक्ति प्रदर्शन गर्न सक्यो उसैले मात्र पाउने गरेको र वास्तविक पीडितहरुको हातमा राहत नपरेको गुनासाहरु आएका हुन् ।
राहत प्रदान गर्नु भन्दा पहिले पीडितहरुको वर्ग निर्धारण गरेर मृत्यू भएका, सवै परिवारै गुमाएका, आफन्त सहित सर्वस्व गुमाएका, अंगभंग भएका, बेपत्ता भएका, आफन्त नगुमाएका तर भएभरका सम्पति गुमाएका लगायतका वर्ग निर्धारण गरेर राहत वितरण गर्न सके गुनासहरु कम हुने देखिन्छ ।
.jpg)
