राहत हस्तान्तरणमा मजदुर अघि

१४ भाद्र २०७१
काठमाण्डौं । नेपाल यातायात स्वतन्त्र मजदुर संगठन अरनिको रुट ट्रक ईकाईले सिन्धुपाल्चोक स्थित जुरे पहिरोमा परि ज्यान गुमाएका आफ्ना सदस्यहरुका परिवार तथा पीडित सदस्हरुलाई शनिबार बागवजारस्थित होटल हार्दिकमा राहत हस्तान्तरण गरेकोछ ।
 पहिरोमा परि ज्यान गुमाएका चालकहरु श्याम श्रेष्ठ, लालवहादुर तामाङ, गणेशलाल श्रेष्ठ, सुर्य तामाङ तथा परिचालकहरु सुरेश तामाङ र सुजन तामाङको परिवारलाई राहत हस्तान्तरण गरिएको हो त्यस्तै  पहिरोमा आफन्त गुमाएका संगठनका सदस्य चालकहरु कृष्ण तामाङ, रमेश श्रेष्ठ, पञ्चलाल श्रेष्ठ, रामवहादुर तामाङ, चन्द्र तामाङ (काले), दुर्गालाल श्रेष्ठ, जयराम पराजुली, रुविन पौडेल र दिनेश श्रेष्ठलाई राहत प्रदान गरिएको थियो ।
 
नेपाल यातायात स्वतन्त्र मजदुर संगठन केन्द्रीय कमिटीको समन्वयमा अरनिको रुट ट्रक ईकाई कमिटीले सञ्चालन गरेको राहत कोषमा संकलित ४ लाख ४८ हजार ४ सय ५६ रुपैया वितरण गरिएको हो उक्त रकम कार्यक्रमका प्रमुख अतिथि जिफन्टका अध्यक्ष विष्णु रिमालले हस्तान्तरण गर्नु भएको थियो ।
राहत हस्तान्तरण गर्दै अध्यक्ष रिमालले भन्नु भयो राज्यले गर्नु पर्ने दायीत्व मजदुर संगठनले गरेको बताउनु भयो ।
  जनता विपतमा पर्दा राज्यले गर्नु पर्ने काम देश तथा विदेशबाट प्राप्त सहयोग समेत राज्यले व्यवस्थापन गर्नु नसकेको अवस्थामा नेपाल यातायात स्वतन्त्र मजदुर संगठन अरनिको रुट ट्रक ईकाले आफ्नै पहलमा राहत संकलन गरेर वितरण गर्नु उदाहरणीय काम भएको बताउनु भयो ।
     अरनिको ईकाईको २१ औं  स्थापना दिवसको अवसरमा
    आयोजित कार्यक्रममा २०७० सालको प्रवेशिका परिक्षामा उतीर्ण यातायात मजदुरका छोरा छोरीलाई सम्मान तथा परस्कृत गरिएको थियो । सम्मानित हुने विद्यार्थीहरुमा डोमा शेर्पा, उमेश प्रधान, स्वस्तीका श्रेष्ठ, पल खड्का, सरस्वती श्रेष्ठ, रोशना श्रेष्ठ, प्रञ्जल खड्का, अदित थापा रहेका थिए कार्यक्रममा पहिरोको पीडा समेटिएको श्रव्य  दृश्य “पहिरोको पीडा” प्रस्तुत गरिएको थियो ।
  ईकाईका सचिव जिवन खड्काले सञ्चालन गरेको उक्त कार्यक्रममा संगठनका महासचिव भीमज्वाला राईले कोषलाई यथावत राखिने र देशभरीका संगठन तथा विदेशबाट समेत राहत संकलन गरि थप सहयोग प्रदान गरिने बताए । संगठनद्धारा स्थापित उक्त कोषमा संगठनका देशभरीका कमिटीहरुले सहयोग प्रदान गरेको थियो ।