विद्यार्थी सम्मानित

१४ भाद्र २०७१
काठमाण्डौं । प्रवेशिका परिक्षामा उतिर्ण यातायात मजदुरका छोराछोरीहरुलाई नेपाल यातायात स्वतन्त्र मजदुर संगठन अरनिको रुट ट्रक ईकाई कमिटीले शनिबार नगद सहित सम्मान गरेको छ ।
  विशिष्ठ श्रेणीमा उतीर्ण अदित थापालाई नगद १५ हजार, प्रथम श्रेणीमा उतीर्ण प्राञ्जल खड्कालाई नगद १० हजार, रोशना श्रेष्ठ नगद ६ हजार, सरस्वती श्रेष्ठ नगद १ हजार, पल खड्का नगद १ हजार, स्वस्तीका श्रेष्ठ नगद ५ हजार, उमेश प्रधान नगद ५ हजार, डोमा शेर्पा नगद १ हजार तथा सम्मान पत्र सहित सम्मान गरिएको थियो ।
   कार्यक्रमका प्रमुख अतिथि जिफन्टका अध्यक्ष विष्णु रिमालले नगद, खदा तथा सम्मान पत्र सहित सम्मान गर्नु भएको थियो । सम्मान गर्दै वहांले यातायात मजदुरी गरेर आफ्ना बाबच्चालाई अहिलेको महगो शिक्षा दिक्षा दिनु चुनौपूर्ण रहेको बताउनु हुदैं आफ्ना अभिभावकहरुको दुखलाई सम्झेर उच्च शिक्षालाई राम्रो बनाउने तर्फ सोंच्न विद्यार्थीहरुलाई आग्रह गर्नु भयो ।
   नेपाल यातायात स्वतन्त्र मजदुर संगठन केन्द्रीय महासचिव भीमज्वाला राईले उतीर्ण विद्यार्थीहरुलाई शुभकामना दिएका थिए । यातायात मजदुरहरुमाथी भईरहेको अपमानको विरुद्ध संगठन लडिरहेको स्मरण गराउदै उच्च शिक्षा हासिल गरिसकेपछि आफ्ना अभिभावकहरुले भोगीरहेको पीडा र अपमानको विरुद्ध सहयोग गर्न समेत आग्रह गर्नुभयो ।