 |
| Add caption |
मुक्त गराईदिन आफन्तको आग्रह
भीमज्वाला राई
२५ भाद्र २०७१
काठमाण्डौं । सिन्धुपाल्चोकका खेकध्वज कार्की एक महिनादेखि साउदीस्थित ताईप मसारा कारागारमा बन्दी जिवन विताईरहेका छन् ।
रियादबाट करिव १ हजार किलोमिटर टाढा उक्त कारागारमा रहेको खबर साउदीमै रहेका गाउले रमेश कार्कीले जानकारी दिएको कार्कीकी श्रीमती यशोदा कार्कीले बताईन । सिन्धुपाल्चोक पाङग्रे ७ का कार्की सात र ५ वर्षका दुई छोराहरु, वृद्धवृद्धा आमावुवा र श्रीमती छाडेर २०७० चैत्र ३ गते उनी विदेशिएका थिए ।
००९६६५३३९५७३८७ नम्बरको मोवाईलबाट साउदीबाट रमेश कार्कीले श्रीमान जेल परेको जानकारी गराएको भएपनि कारण भने आफुलाई जानकारी नभएको श्रीमती यशोदाले बताईन् । वंहासंग साउन १८ गते अन्तिम पटक कुराकानी भएको थियो त्यसपछि सम्पर्क हुन सकेको छैन श्रीमती कार्कीले बताईन् ।
वैशाख, जेठ र असार महिनाको मासिक २३ हजारका दरले पैसा आयो फोनमा कुरा हुदां भेडा चराउने काम गर्नु पर्छ भन्नु हुन्थ्यो । कार्कीले रुदै भनिन् । श्रीमानलाई कारागार मुक्त गराईदिन स्वदेश तथा साउदीका संघसस्थासंग आग्रह गरिन् ।
वैदेशिक रोजगार विभागको तथ्याङ्कमा राहदानी नम्बर ०७०५६७३७ का कार्कीको प्रवेशाज्ञा कतारको ओमाईरण बाजास कम्पनीमा कुकको काम उल्लेख रहेकोछ । तर उनी साउदीको अयेध ओमाईरन बाल फेईदा ईमाईट कम्पनीमा काम गरेको कार्कीका भेनाजु रामहरी सिलवालले बताए ।
एक हप्ता अघि साउदी कारागारको ००९६६५९९७५१०८९ मा सम्पर्क गरि कारागारका प्रहरीको सहयोगमा सालोसंग सम्पर्क हुदा संगै काम गर्ने पाकिस्तानीसंग झगडाको निहुंमा आफुलाई कारागार ल्याईएको कार्कीले जानकारी गराएको सिलवालले बताए ।
0 comments:
Post a Comment