१४ चैत्र २०७०
काठमाण्डौं । नेकपा एमाले अध्यक्ष झलनाथ खनालले श्रमिक मैत्री संविधान निर्माण नगरेसम्म देशको आमुल परिवर्तन र श्रमजीवी जनताको जिवनलाई समृद्ध बनाउन नसकिने बताउनु भएको छ ।
शुक्रबार राजधानीमा सुरुभएको जिफन्टको छैठौं राष्ट्रिय महाधिवेशनको उद्धघाटन समारोहमा बोल्नुहुदैं त्यस्तो कुरा बताउनु भएको हो । नीति निर्माणको तहदेखि राज्यका सवै तहहरुमा मजदुरहरुलाई १० प्रतिशत सहभागीता गराउन सम्बन्धमा एमाले प्रतिवद्धरहेको बताउनुहुदै २०४८ सालको श्रम ऐनले नेपालका सवै मजदुरहरुको हित गर्न नसकेकाले अब समय सुहाउदो र मजदुरहरुको भविष्यलाई समेत सुदृढ गर्ने श्रम कानुन बनाउन एमाले तयार रहेको बताउनुभयो ।
खनालले भन्नु भयो संसदमा प्रस्तुत सामाजिक सुरक्षा ऐनलाई यही संसदले कार्यान्वयमा ल्याउन ग्यारेण्टी गर्नु पर्ने बताउनु भयो । करिव ३० लाख नेपाली श्रमिकहरु कामको खोजीमा विदेशीनु पर्ने दुखद अवस्थालाई अन्त्य गर्दै ति युवाहरुलाई स्वदेशमै रोजगारीको अवस्था सृजना गर्ने र ती युवाहरुलाई स्वदेशमै रोक्नु शिक्षा पदतीको व्यवस्था गरिनु पर्ने खनालले बताउनु भयो ।
वहाले भन्नु भयो नेपाल संविधान निर्माणको प्रकृयामा रहेकाले अब बन्ने संविधानले श्रमजीवी जनताको अधिकारलाई सुनिस्चित गर्नु पर्ने समाजमा रहेका विभेदहरुको अन्त्य हुनु पर्ने देशको आर्थिक परिवर्तन हुनु पर्ने, विकासका पूर्वाधारहरुलाई व्यवस्थित गरिनु पर्ने, नेपालको स्वाधिनता, राष्टिय अखण्डता र सार्वभौमिकतामा आंच आउन नहुने बताउनु भयो ।
देशभरीका ६ सय ५ प्रतिनिधि पर्यवेक्षकहरु सहभागी जिफन्टको महाधिवेशन चैत्र १७ गतेसम्म हुने छ । अधिवेशनले आगामी चार वर्षका लागि नयां नेतृत्व समेत चयन गर्नेछ । महाधिवेशनले नयां पुस्ताका नेतृत्वलाई मजदुर आन्दोलनको जिम्मेवारी सुम्पिने जिफन्टका अध्यक्ष विष्णु रिमालले यस अघिनै पत्रकार सम्मेलन मार्फत जानकारी गराउनु भएको थियो ।
महाधिवेशनमा २६ देशका ४६ मजदुर आन्दोनका नेताहरुले सहभागीता जनाएका थिए । महाधिवेशनमा पेशागत महासंघका अध्यक्ष विश्वनाथ प्याकुरेल, अखिल नेपाल ट्रेड युनियन महासंघका अध्यक्ष शालिकराम जम्मरकटेल, नेपाल ट्रेड युनियन काग्रेसका अध्यक्ष खिलानाथ दाहाल, आईएनटियुसिका अध्यक्ष ईन्द्रदेव मिश्र, आईएलओका नेपाल निर्देशक होसे एसेलिनो, सार्टुकका महासचिव लक्ष्मण बस्नेत, श्रम मन्त्रालयका सचिव सुरेशमान श्रेष्ठ लगायतले शुभकामना दिनु भएको थियो ।
एमाले उपाध्यक्ष विद्यादेवी भण्डारी, सचिव शंकर पोख्रेल लगायतका नेताहरुले समेत शुभकामना मन्तव्य व्यक्त गर्नु भएको थियो । कार्यक्रमको सञ्चालन जिफन्ट सचिव उमेश उपाध्यक्षले सञ्चालन गर्नु भएको थियो भने अध्यक्षता जिफन्ट अध्यक्ष विष्णु रिमालले गर्नु भएको थियो ।
कार्यक्रममा आईटियूसिका महासचिव स्यारन बरोले बेल्जीयमबाट जिफन्ट महाधिवेशनमा भिडियो कन्फरेन्सीङको माध्यमबाट प्रत्यक्ष प्रशारण मार्फत शुभकामना सन्देश दिनुभएको थियो ।
0 comments:
Post a Comment