श्रमिकका भरोसा जिफन्ट ः नेपाल

काठमाण्डौ । नेकपा एमालेका वरिष्ठ नेता माधवकुमार नेपालले नेपालका सवै क्षेत्रका श्रमजीवीहरुको भरोसा योग्य ट्रेड यूनियन जिफन्ट रहेको बताउनु भएको छ ।

    नेपाल ट्रेड यूनियन महासंघ जिफन्टको छैठौं राष्ट्रिय महाधिवेशनको दोस्रो दिन शनिबार राजधानीस्थित राष्ट्रिय सभागृहमा वरिष्ठ नेता नेपालले त्यस्तो कुरा बताउनु भएको हो । अन्य ट्रेड यूनियनहरु पनि श्रम वजारमा देखिएका छन् तर ति संगठनहरु मजदुरहरुको हितमा भन्दा पूजीपतिहरुको गुलामी गर्ने र राजनीतिक दलहरुको पिछलगु बन्ने गरेको वहाले बताउनु भयो । 

    जिफन्टको बन्द शत्रमा विशेष वक्ताका रुपमा निम्त्याईएका एमाले नेता नेपालले बृदावस्थाका मजदुरहरुको भत्ताको व्यवस्था, दुर्घटनामा पर्दा पाउने क्षतीपूर्ति, शिक्षाको प्रत्याभूति लगायतका श्रमजीवी वर्गको सुरक्षाका लागि एमालेले सामाजिक सुरक्षाको व्यवस्थालाई कडाईका साथ कार्यान्वयनमा लाने र अन्य दलहरुलाई समेत सामाजिक सुरक्षाका विषयमा सहभागी गराईने बताउनु भयो । 

    नेपालमा जात, क्षेत्र, लि¨, भुगोल र उत्पीडितहरुको विषयहरु उठ्ने गरेको भएपनि मजदुरहरुको विषयलाई सवैले विर्सने गरेको बताउनु हुदै मजदुरहरुलाई नीति निर्माणको तह र राज्यको सवै तहमा मजदुरहरुको प्रतिनिधित्वलाई १० प्रतिशत ग्यारेण्टी एमाले गर्ने नेता नेपालले बताउनु भयो । 

   शनिबार जिफन्ट अध्यक्ष बिष्णु रिमालले नीतिगत दस्तावेज, महासचिव उमेश उपाध्यायले सांगठनीक प्रतिवेदन, बरिष्ठ उपाध्यक्ष विनोद श्रेष्ठले आर्थिक र विद्यान संशोधन प्रस्ताव प्रस्तुत गर्नु भएकोछ । प्रस्तुत प्रस्तावहरुमाथी प्रतिनिधिहरुको समुह निर्माण गरि सुझाव प्रस्तुत हुनेछ ।