काठमाण्डौं । बिष्णु रिमाललाई दोस्रो कार्यकालका लागि पुन अध्यक्षमा चयन गर्दै नेपाल ट्रेड युनियन महासंघ जिफन्टको छैठौं राष्ट्रिय महाधिवेशन आईतबार सम्पन्न भएको छ ।
शुक्रबार सुरु भएको महाधिवेशनले आगामी चार वर्षका लागि ४७ सदस्यीय नयां कमिटी चयन गरेको छ । अन्य ट्रेड युनियनहरुको माहाधिवेशनमा गुट र विवाद हुने गरेको भएतापनि जिफन्टले सर्वसम्मत नयां नेतृत्व चयन गरेको हो ।
महाधिवेशनले पांच उपाध्यक्ष, एक महासचिव, तिन उप महासचिव, आठ सचिवहरु रहेको कमिटी चयन गरेकोछ ।
कमिटीका उपाध्यक्षहरुमा हरिदत्त जोशी, मधुसुदन खतिवडा, विदुर कार्की, विना श्रेष्ठ चयन भएका छन् त्यसै गरि महासचिवमा बिष्णु लम्साल, उप महा सचिवहरुमा जनक चौधरी, जितेन्द्र जोन्छे चयन भएका छन् भने सचिवहरुमा रमेश बडाल, दिपक पौडेल, जितेन्द्र श्रेष्ठ, गुणराम आचार्य, केशव दवाडी, दिनेशकुमार राई र कमल गौतम चयन भएका छन् ।
सदस्यहरुमा अमर यादव, कुलबहादुर खत्री, राम बुढाथोकी, चन्द्र गुरुङ, तुलसी सिबाकोटी, उत्तम श्रेष्ठ, भक्तवहादुर बिक र मोहन नेपाली रहेका छन् । त्यसैगरि अञ्चल कमिटीका ११ अध्यक्षहरु पदेन सदस्य हुनेछन् । त्यसै गरि १५ जना महिलाहरु सदस्य चुनिएका छन् ।
महाधिवेशनले ११ बुदे प्रस्ताव समेत पास गरेकोछ ।
0 comments:
Post a Comment