 |
| late chhedilal |
- भीमज्वाला राइ
चौधरी घटनाको दिन बस लिएर तुलसीपुरवाट घोराही आउदै थीए उनको बसमा सेनाका जवानहरु सवार थीए चौधरी र उनी कार्यरत बसलाई घोराही स्थित नेपाली सेनाको गोरक्ष गणका सेनाले नियन्त्रणमा लिएर जवरजस्ती ल्याएका थीए । द्धन्द्धको चरम अवस्था थीयो रातीको समय थीयो सेनाको जवरजस्ती अस्विकार गरेकाभए छेदीलाललाई माओवादीको आरोप लाग्थ्यो उनी सेनाको गोलीको शिकार हुने थीए सेनाको बन्दुक, बुट र कर्कस आवाजको प्रतिवाद गर्ने साहस निरिह मजदुरसंग हुने कुरै भएन उनी बाध्य भएर सेना सवार बसको चालक बने तर त्यो बाध्यतालाई सर्वहारा वर्गकालागी लडेको ध्वांश दिने माओवादीले बुझेन वा माओवादीहरुको सर्वहाराको परिभाषभित्र छेदीलाल परेनन् र उनलाई दुष्मन सम्झिएर गोली ठोके । छेदीलाललाई लागेको गोली भुलबस थीएन माओवादीका लडाकुले उनलाई ताकेरै गोली हानेकाथीए उनको छाती र पेटमा सिधै गोली हानीएको थीयो तर अचम्मको कुरो के छ भने बस भरी यात्रारत सेनाहरु जसले जवरजस्ती बस र मजदुरलाई दुरुपयोग गरेका थीए तीनीहरुलाई गोली हान्ने हिम्मत माओवादीले गर्न सकेनन् सायद माओवादीहरुकालागी सेनाहरु होईन एक निरिह मजदुर उनीहरुकालागी खतरनाक दुष्मन थीए ।
हेमन्तपुरमा गोली लागेपछि उनी अर्धमुर्छित भए तर उनी ढलेनन् उनले तीन किलो मिटर दुरीमा रहेको मजगई भन्ने स्थानसम्म बसलाई सुरक्षितसाथ पुर्याए र अरुमाथीहुने खतरामुक्त स्थानमा पुगेर उनी ढले । आफु मरेर अरुलाई बचाउने चौधरी जस्ता यातायात मजदुर चालकलाई न सेनाले क्षतीपुर्ती दिने र सम्मान गर्न सक्यो न त एक जना निहत्था मजदुरको हत्या गरेकामा सर्वहाराको पक्षमा जनयूद्ध गरेको चर्का नारा भट्याउने माओवादीले दुख व्यक्त गर्न सक्यो । नवलपरासी चोरमारा स्थायी घर भएका छेदीलाल घोराहीमा भाडामा बस्दै आएका थीए दुई छोराको लालन पालन , शिक्षा दिक्षा र श्रीमती सहितको परिवारको भरण पोशण उनैले मजदुरी गरेर कमाउने आम्दानीको स्रोत थीयो उनको हत्यापछि चौधरी परिवारको अवस्था अझै नाजुक छ तर उनको परिवारले उचीत न्याय र क्षतीपुर्ती अझै पाएको छैन ।
सो समय त्यस्तै घटनामा कुनै सेना प्रहरीको मृत्यू हुदां मृतकका परिवारले ७ लाख पाउथे मजदुर चौधरीको परिवारलाईपनि सोही प्रकृतीको क्षतीपुर्ती हुनु पर्छ भन्ने माग गर्दै नेपाल यातायात स्वतन्त्र मजदुर संगठनले माग राख्यो गोरक्ष गणका कर्णेलसंग वार्ता र सहमति पनि भयो तर उनको परिवारले ३ लाख भन्दा पाएनन् संगठनका नेता कृष्ण भूषालले बताए ।
संगठनकै पहलमा राप्ती सार्वजनीक यातायात व्यवसायी समितिले राज्यबाट आएको रकममा डेढ लाख थपीदिएको संगठनका राप्ती अञ्चल अध्यक्ष दानवहादुर केसीले जनाए । संगठनकै पहलमा मृतकका छोरा अर्जुन चौधरी व्यवसायी समितिको जागीरे भएपछि भने चौधरी परिवारलाई जिवन यापनमा केही सहज भएको अध्यक्ष केसीले बताए ।
छेदीलाल हत्या प्रकरणलाई माओवादी सनकी र राज्यको जिम्मेवार निकाय नेपाली सेनाको ज्यादतीको हदको नमुनाको रुपमा लिन सकिन्छ तर दुखको कुरा घटनापछि माओवादीहरुले द्धन्द्धमा मारीएका आफ्ना सयौलाई शहिद घोषणा गर्यो र परिवारलाई क्षतीपुर्ती दिलाए , सोही प्रकृतीको घटनामा मारीएका सेना प्रहरीहरुलाई पनि वीरगती प्राप्त गरेका देशका योद्धाहरु घोषणा गर्दै उनीहरुको परिवारलाई राज्यले राहत सहित सम्मान गर्यो तर छेदीलाल चौधरी न माओवादीले घोषणा गरेको शहिदको सुचीमा परे न क्षतीपूर्ती पाउने सुचीमा परे न राज्यले वीरगती प्राप्त गर्ने योद्धाको सुचीमा परे न उनको परिवारले सम्मान पायो किनभने चौधरी माओवादी पनि थीएनन, उनी सेना प्रहरीपनि थीएनन ।
0 comments:
Post a Comment