राजनीति

•               भीम राई ज्वाला

 

भागिरहेछ
एउटा भिड
तर्किएर पर पर
राजनीतिसंग

राजनीति
नागरिक अधिकार, शान्ति सुरक्षा प्रत्याभूत गर्ने नीति
राज्य सञ्चालन विधि बनाउने
राष्ट्रिय, अन्तर्राष्ट्रिय सम्बन्ध निर्धारण गर्ने नीति

राजनीति
सत्ता, शक्ति र सम्पति केन्द्रीत भएपछि
समय
नीतिपरायणहरु
खोजिरहेछ

राजनीति
एउटै पार्टी गुट गुटमा विभाजित छ
एउटै झण्डामुनी नीति विभाजित छ
एउटै विचार भित्र व्यवहार फरक छ
एउटै सिद्धान्तको परिभाषा आ आफ्नै छ

विषाक्त बनाईदैछ
राजनीति
अराजकहरुको भिड बन्दैगईरहेकोछ

युगलाई
राजनीति फोहोरी खेल होईन
बुझाउनुछ

समय
अर्को माक्र्स
एंगेल्स
लेनिन
स्टालिन
माओ
हो चि मिन्ह
र मण्डेलाहरु
खोजिरहेछ