भीमज्वाला राई
भन्दै नभनेको कुरा तिम्ले सुन्यौं होला
म आउदा रिसाउदै ढोका थुन्यौं होला ।
कुरा लाउने धेरै छन् फुटाउनलाई
वैरीका झुठा कुरा मनमा उन्यौ होला ।।
हावा कुरा पछि लाग्यौ सत्य लत्याएर
महलकी रानी हुने सपना बुन्यौ होला ।।।
टालिदैन फाटेको मन जती सिए पनि
टाल्छु भन्दै कच्चा धागो लिई तुन्यौ होला ।।।
ज्वाला जस्ता शुभेच्छुलाई चटक्कै छाडेर
सदा सदा रुने बाटो तिम्ले चुन्यौ होला
।।।
0 comments:
Post a Comment