दोष चालकको मात्रै ?

    राज्यका निकायहरु निम्छरामाथी खनिने र दोष जती त्यही निम्छराहरुकै थाप्लोमा लगाईदिने अनि आफु पानीमाथीको ओभानो हुने मानसिकता अझै फेरीएन । पुरानो र जसको शक्ति उसैको भक्ति भन्ने चिन्तनबाट माथी उठ्न नसकेको यही उदाहरण बनेको छ आर्थिक वर्ष २०६९ र ०७० को अन्तिममा कतिपय मिथ्या तथ्यांङ्क जसले त्यही प्रवृतिको पुनरावृति गरेको छ । त्यही श्रृखलामा एउटा गलत तथ्यांक थपिएको छ जसले तमाम यातायात मजदुरहरुलाई बदनाम बनाउने काम गरिरहेको छ ।
     दुर्घटना न्युनिकरणका लागी परिचालित ट्राफिक प्रहरी नामक संगठनले आर्थिक वर्ष ०६९ ÷ ०७० को अन्तिममा दुर्घटना सम्बन्धी एउटा प्रतिवेदन सार्वजनिक गरेको छ जुन प्रतिवेदनले यातायात मजदुरहरुलाई मजदुर होईन हत्यारा हो र दुर्घटनामा ६५ प्रतिशत दोषी चालक भनिएको छ । त्यस्तै यात्रुहरुको लापरवाहीले ४ प्रतिशत दुर्घटना भएको देखाईएको छ तर बाकीं दुर्घटनाका कारणहरु के के हुन् भन्ने प्रतिवेदनमा उल्लेख गरिएको छैन । अन्य कारणहरुलाई उल्लेख नगरी चालकको कमजोरीलाई मात्र देखाएर प्रतिवेदन सार्वजनिक गरिनुले प्रतिवेदन तथ्यमा आधारित छैन भन्ने स्पष्ट छ ।
     ट्राफिक निर्देशनालयको उक्त तथ्यांङ्क अध्ययनले नै थाहा हुन्छ राज्य यातायात मजदुरहरुप्रति पुर्वाग्रही छ भन्ने कुरा । ट्राफिक जस्तो एउटा जिम्मेवार निकायले प्रतिवेदन बनाउदा तथ्यलाई विर्सनु राम्रो होईन उनीहरुभनेका निरन्तर यातायात मजदुरहरुसगैका सहयात्री हुन् सडकको पीडा मजदुरलाई मात्र होईन ट्राफिकलाईपनि राम्ररी थाहा हुने गर्दछ । दुर्घटनाका कारण यदी चालक मात्र हुन् भन्ने हो भने यसको न्युनिकरणको उपाय के हुन सक्छ भन्ने समाधानको विकल्प पनि आउन जरुरी हुन्छ ।
      गएको आर्थिक वर्षकै सरकारले जारी गरेको प्रतिवेदन हेर्ने हो भने एक वर्षमा सवारीको सख्यां १ लाख १ हजार ७ सय ७९ नेपाल भित्रीएको थियो भने राज्यले एक वर्षमा पक्की १५ किलोमिटर गरे जम्मा २ सय ४५ किलोमिटर मात्र बाटो बनाएको थियो यही तथ्यलेपनि अनुमान गर्न सकिन्छ दुर्घटनाको कारण चालक मात्र हो की अरुपनि हो भन्ने । बास्तवमा भन्ने हो भने पार्कीङको असुविधा, जिर्ण बन्दै गईरहेको सडक, सडक प्रयोगकर्ताहरुमा रहेको अचेतनता, सडक अतिक्रमण गरेर घर बनाईने सडकमै बजार तथा पसल थाप्ने, खुल्ला चौपाय लगायतका कारण पनि दुर्घटना बढेको छ त्यो तथ्यलाई नहेरी मजदुरलाई बदनाम बनाउने गरी प्रतिवेदन ल्याउने हो भने भोली मजदुरहरुलेपनि ट्राफिकका कर्तुतको भण्डाफोर गर्न बाध्यहुनु पर्ने दिन आउन सक्छ ।