होशियार ... तलब माग्दा कुटाई खाईएला ?

धरान । सुनसरीको सोनापुर स्थित बोरा उत्पादन गर्ने उद्योग पशुपति सिन प्याकमा काम गर्ने पांच जना मजदुहरुलाई उद्योगका ठेकेदारले  मरणासन्नहुनेगरी कुटपिट गरेको छ ।
     मजदुरहरुलाई राती घरमै गएर सुतीरहेकै अवस्थामा निर्घात कुटपिट गरि घाइते बनाएका हुन् । सरकारले तोकेको न्युनतम तलब पाउनुपर्ने माग गरेपछि ठेकेदार विवेक कर्ण शुक्रबार राति मादकपर्दाथ सेवन गरेर मजदुरहरुको घरमै गएर निर्घात कुटपिट गरेका हुन । मजदुर आक्रमणमा कर्णले गाडिमा अन्य ४ जनाको समुहलाई ल्याएर मजदुरहरुलाई आक्रण गर्न लगाएका थिए उनीहरुको कुटपीटबाट जितु कुमार साह, दिनेश कुमार यादव, शिव चन्द्रलाल कर्ण र अबदेश राय घाईते भएका छन् । शिवचन्द्रलाल कर्णको अनुहारमा चोट लागेको र दात समेत भाचिएको छ  अन्य मजदुरहरु सामान्य घाइते भएका छन । कारखानामा काम सकेर आफनो कोठामा सुतिरहेका ति मजदुहरलाइ शुक्रबार राति २ बजे ठेकेदार कर्णको समुहले कोठामै गएर कुटपिट गरेको पिडित मजदुरहरुले बताए ।   
   मजदुरहरुमाथी आक्रमणको विरोधमा शबिनारबाट कारखानामा कार्यरत मजदुहरु आन्दोलनमा उत्रिएका छन् उनीहरुले उद्योग बन्द गराएका छन् ।  पिडितहरुले ठेकदार विवेक कर्णलाई उद्योगबाट निस्काशनको माग गरेका छन् ।
   करिव चार सय मजदुरहरु उद्योगमा कार्यरत छन् उनीहरु कुटपिटको बिरोधमा उद्योग परिसरमा नाराबाजि गर्दे प्रर्दशन समेत गरेका छन । दैनिक ज्याला न्यूनतम ३ सय १८ रुपया“ राज्यले तोकेको भएपनि मजदुरहरुले त्यो सुविधा पाएका थिएनन् । मजदुरहरुले केहि दिन अगाडि श्रम कार्यालयमा उजुरी समेत दिएको थिए । उजुरी गर्न गएको भन्दै  ३ जना मजदुरलाई सो उद्योगले कामबाट निस्काशन गरिसकेको छ । सरकारले तोकेको पारिश्रमिक देउ भन्दा मजदुरहरुले कुटाइ खानु पर्ने अवस्था आएका कारण कुटपिट गर्नेलाई ठेकेदारलाइ कार्बाही नगरिए उद्योग सञ्चालन गर्न नदिने मदजुर नेता मनोज मगरले बताए । उनले तत्काल पिडित मजदुहरुको उपचार ब्यवस्था मिलाएर ठेकेदार कर्णलाइ कार्वाहि गर्नुपर्ने माग राखेका छन । ठेकेदार कर्णले भने उद्योगमा आउदा मजदुरहरु सुतेको देखेपछि सहन नसकेर कुटपित गरेको स्विकार गरेका छन । उनले आफुले सामानय मादकपादर्थ सेवन गरेका कारण आबेगमा आएकाले मजदुरहरुले कुटाइ खाएको स्विकार गरे ।
यता उद्योगका मेनेजर सुजित जयसवालले  भने मजदुरमाथि भएको कुटपिट आफुलाई थाहा नभएको बताएका छन् ।